IDUL FITRI

SALAMA'KI MALLÊPPÊ' PITTARAÉ SELAMAT HARI RAYA IDUL FITRI [Bahasa Bugis] ᨆᨓᨘᨊᨗ ᨒᨘᨈᨘ ᨆᨔᨘᨓᨍ᨞ ᨕᨊᨘ ᨄᨘᨑ ᨔᨗᨄᨘᨈᨑᨚᨓᨙ ᨔᨗᨈᨛᨄ ᨆᨘᨓᨗ᨞ᨈᨛᨋᨗ ᨔᨛᨉᨗ ᨈᨚᨕᨛᨃᨔᨗ ᨑᨗᨈᨘ ᨆᨛᨊ᨞ ᨑᨗᨌᨄᨊ ᨑᨆᨒ᨞ ᨕᨘᨒᨛ ᨀᨆᨗᨊ ᨆᨒᨛᨅᨗᨕᨙ᨟ Mauni luttu massuajang, Anu pura siputaroé sitêppang mui, Tenri sêdding toêngkasi ritu mênnang, Ricappa’na ramalang, Ulêng kaminang malêbbi'é. ᨑᨙᨀᨚ ᨄᨘᨑᨊᨗ ᨈᨄᨔᨗᨒᨛᨊᨛᨑᨛ᨞ ᨔᨘᨇᨍ ᨈᨑᨓᨙᨈ᨞ ᨊᨛᨊᨗᨐ ᨄᨘᨓᨔᨈ᨞ ᨕᨍ ᨈᨒᨘᨄᨕᨗ ᨔᨛᨀᨛ ᨄᨗᨈᨑᨈ᨞ ᨔᨑᨙᨀᨘᨕᨆᨛᨂᨗ ᨆᨏᨍᨗ ᨄᨒᨚᨍ᨞ ᨆᨄᨙᨄᨌᨗ ᨑᨗ ᨔᨗᨊᨗᨊ ᨓᨑᨇᨑᨈ᨞ ᨆᨏᨍᨗᨓᨗ ᨕᨌᨉᨗᨐᨚ ᨑᨗᨐᨚᨒᨚᨂᨛ ᨆᨅᨑᨀ᨟ Rékko purani tapasilênnêrêng,Sumpajang tarawéta, nênnia puasata,Aja’ tallupai sêkkê pittarata, Sare kuammengngi mancaji pallojang, Mappépacing risininna waramparatta, Mancajiwi acaddio-riongêng mabbarakka. ᨀᨘᨄᨗᨆᨙᨊᨔᨕᨗ ᨕᨈᨗ ᨆᨌᨗᨊᨚᨈ᨞ ᨎᨆᨛ ᨕᨗᨊᨗᨊᨓᨈ᨞ ᨄᨔᨙᨇᨘ ᨆᨈᨍᨈ᨞ ᨊᨛᨊᨗᨐ ᨕᨀᨒᨗᨊᨚ ᨆᨒᨛᨅᨈ᨟ Kupiménasai ati macinnotta, Nyamêng ininnawata, Passêmpu matajangta, Nênnia akkalinong mallêbatta. ᨕᨛᨃᨀᨑᨚ ᨀᨔᨗᨊ ᨆᨄᨂᨚᨒᨚ᨞ ᨓᨑᨙᨀᨉ ᨆᨒᨗᨐᨘ ᨅᨛᨈᨘᨓᨊ᨞ ᨑᨂᨑᨂᨀᨘ ᨈᨛᨒᨘ ᨕᨛᨔᨚ ᨈᨛᨒᨘᨄᨛᨊᨗ᨞ ᨕᨗᨐ ᨀᨘᨄᨗᨆᨙᨊᨔ᨞ ᨕᨑᨘᨄ ᨄᨒᨁᨊ ᨆᨑᨗᨐᨂᨙ᨟ Êngkaka’ ro kasi’na mappangolo, Warékkada malliung bêttuanna. Ranga-rangaku têllu êsso tellumpênni. Iya kupiménasa. Arupang pallanggana mariangngé ᨕᨘᨄᨙᨆᨗᨊᨔᨕᨗ ᨄᨅᨛᨑᨛ ᨕᨉᨇᨛᨈ᨞ ᨑᨗᨔᨗᨊᨗ ᨁᨓᨘ ᨆᨄᨘᨑ ᨒᨒᨚᨓᨙ᨞ ᨕᨗᨐᨑᨙᨁ ᨕᨉᨕᨉ ᨆᨀᨑᨚᨉᨀᨘ᨞ ᨆᨀᨚᨈᨚᨄ ᨑᨗᨔᨗᨊᨗ ᨄᨀᨓᨘᨀᨛᨀᨘ᨟ Upéminasai pabbere addampengta, Risining gau’ mappurallaloé, Iyaréga ada-ada makkaroddaku, Makkotopa risining pangkaukêngku. ᨆᨆᨘᨓᨑᨙᨕᨗ ᨄᨉ ᨕᨗᨃᨀᨗᨑᨚ ᨆᨛᨊ᨞ ᨉᨘᨄᨕᨗ ᨕᨒᨛᨄᨛᨑᨛ ᨄᨈᨑ᨞ ᨊᨕᨗᨋᨗ ᨕᨈᨗ ᨆᨌᨗᨊᨚ᨞ ᨀᨗᨊᨗᨊᨓ ᨆᨎᨆᨛ᨞ ᨔᨛᨇᨘ ᨆᨈᨍ᨞ ᨊᨛᨊᨗᨐ ᨕᨀᨒᨗᨊᨚ ᨆᨒᨛᨅ᨟ Mamuaréi pada êngkakiro mennang, Duppai alêppêrêng pittara, Nainring ati macinnong, Kininnawa manyamêng Sempu matajang, Nênnia akkalinong mallebbang. ᨔᨒᨆᨀᨗ ᨆᨒᨛᨄᨛ ᨄᨗᨈᨑ᨞ ᨆᨆᨘᨓᨑᨙᨕᨗ ᨊᨈᨑᨗᨆ ᨆᨉᨙᨌᨙᨂᨗ ᨄᨘᨓ ᨕᨒ ᨈᨕᨒ᨞ ᨔᨗᨊᨗᨊ ᨄᨀᨔᨗᨓᨗᨐᨈ᨞ ᨊᨈᨚᨔᨗᨉᨘᨄ ᨕᨘᨒᨛ ᨑᨆᨒ᨞ ᨈᨓᨘ ᨆᨂᨚᨒᨚᨓᨙ ᨆᨈᨗ᨟ Salama’ki mallêppê’ pittara, Mammuaréi natarima madécéngngi Puang Allah Ta’ala, Siningna pakkasiwiatta. Natosiduppa ulêng ramalang, Taung mangoloé matti. Copas